ಹಿಂದೂಗಳ ರಕ್ಷಣೆಗೆ ಮೋದಿಗೆ ಮತ ಹಾಕಿ: ಯತ್ನಾಳ

ಹುಬ್ಬಳ್ಳಿ:

ನವಲಗುಂದ ಕ್ಷೇತ್ರದ ಮೊರಬದಲ್ಲಿ ಆಯೋಜಿಸಿದ್ದ ಬಿಜೆಪಿ ಪರ ಪ್ರಚಾರ ಸಭೆಯಲ್ಲಿ ಮಾತನಾಡಿದ ಅವರು, ನೇಹಾ ಕಾಂಗ್ರೆಸ್‌ ಮುಖಂಡನ ಮಗಳು. ಅವರ ಪಕ್ಷದ ಮುಖಂಡರ ಮನೆಯಲ್ಲೇ ಘಟನೆ ನಡೆದಿದ್ದರೂ ನಿರ್ಲಕ್ಷ್ಯ ಮಾಡಿದರು. ವೈಯಕ್ತಿಕ ಅಂತಂದ್ರು. ಪ್ರೇಮ ಪ್ರಕರಣ ಅಂತಂದ್ರು. ವಾರವಾದರೂ ಸಿದ್ದರಾಮಯ್ಯ ಬರಲಿಲ್ಲ. ಅದೇ ಮುಸ್ಲಿಂ ಯುವತಿ ಕೊಲೆಯಾಗಿದ್ದರೆ ಸಿದ್ರಾಮಣ್ಣ ಇಲ್ಲೇ ಅಳತಾ ಮಲಗಾತಾ ಇದ್ದರು. ರಾಹುಲ್‌, ಪ್ರಿಯಾಂಕಾ ಕೂಡ ಬರುತ್ತಿದ್ದರು ಎಂದರು.

ಜೋಶಿ ಅವರು ಯಾವ ಲಿಂಗಾಯತರನ್ನು ತುಳಿಯುವ ಕೆಲಸ ಮಾಡಿಲ್ಲ. ಲಿಂಗಾಯತರ ಪರ ಅತ್ಯಂತ ಗಟ್ಟಿಯಾಗಿ ನಿಂತ ನಾಯಕ. ಲಿಂಗಾಯತರನ್ನು ಬೆಳೆಸಿದ ನಾಯಕರು ಎಂದರು.

ಒಬಿಸಿಯ ಮೀಸಲಾತಿ ಕಸಿದುಕೊಂಡು ಮುಸ್ಲಿಮರಿಗೆ ನೀಡಲು ಹೊಂಚು ಹಾಕುತ್ತಿದೆ. ಆದರೆ ಈಗ ಮೀಸಲಾತಿ ವಿಷಯದಲ್ಲಿ ಸುಳ್ಳು ಹೇಳುತ್ತಿದೆ. ಜನರ ಹಾದಿ ತಪ್ಪಿಸುವ ಕೆಲಸ ಮಾಡುತ್ತಿದೆ ಎಂದು ಟೀಕಿಸಿದರು.