)
)
)
ಸಾರಾಂಶ
ಕೋಲ್ಕತಾ: ಉತ್ತಮ ಲಯ ಪ್ರದರ್ಶಿಸಿ ಸತತ 3 ಗೆಲುವುಗಳನ್ನು ದಾಖಲಿಸಿದ್ದ ಕೋಲ್ಕತಾ ನೈಟ್‌ರೈಡರ್ಸ್‌ ಹಾಗೂ ಲಖನೌ ಸೂಪರ್‌ಜೈಂಟ್ಸ್‌, ಕಳೆದ ಪಂದ್ಯದಲ್ಲಿ ಸೋಲುಂಡಿದ್ದವು. ಭಾನುವಾರ ಈ ಎರಡು ತಂಡಗಳು ಪರಸ್ಪರ ಎದುರಾಗಲಿದ್ದು, ಒಂದು ತಂಡ ಗೆಲುವಿನ ಲಯಕ್ಕೆ ಮರಳಲಿದೆ.ತವರಿನಲ್ಲಿ ಸತತ 5 ಪಂದ್ಯಗಳನ್ನು ಆಡಲಿರುವ ಕೆಕೆಆರ್‌, ತವರಿನ ಲಾಭವೆತ್ತಲು ಕಾಯುತ್ತಿದೆ. ಈ ಪಂದ್ಯದಿಂದಲೇ ಜಯದ ಓಟ ಆರಂಭಿಸಿ, ಲಖನೌ ವಿರುದ್ಧ ಐಪಿಎಲ್‌ನಲ್ಲಿ ಮೊದಲ ಜಯ ಸಾಧಿಸಲು ಕಾತರಿಸುತ್ತಿದೆ.
ಕೆಕೆಆರ್‌ ತನ್ನ ತಂಡದಲ್ಲಿರುವ ವಿಂಡೀಸ್‌ ಆಲ್ರೌಂಡರ್‌ಗಳಾದ ನರೈನ್‌ ಹಾಗೂ ರಸೆಲ್‌ ಮೇಲೆ ಅತಿಯಾಗಿ ಅವಲಂಬಿತಗೊಂಡಿದ್ದು, ಈ ಇಬ್ಬರ ಪ್ರದರ್ಶನದ ಮೇಲೆ ಫಲಿತಾಂಶ ನಿರ್ಧಾರವಾಗಬಹುದು.ಮತ್ತೊಂದೆಡೆ ಲಖನೌ, ಕಳೆದ ಪಂದ್ಯದಲ್ಲಿ ಡೆಲ್ಲಿ ವಿರುದ್ಧ 94ಕ್ಕೆ 7 ವಿಕೆಟ್‌ ಕಳೆದುಕೊಂಡರೂ, ಬದೋನಿ ಅವರ ಹೋರಾಟದ ನೆರವಿನಿಂದ 160 ರನ್‌ ಗಡಿ ದಾಟಿತ್ತು. ಯುವ ಆಟಗಾರನ ಹೋರಾಟ ತಂಡದ ಆತ್ಮವಿಶ್ವಾಸ ಹೆಚ್ಚಿಸಿರುವುದರಲ್ಲಿ ಅನುಮಾನವಿಲ್ಲ.
ಒಟ್ಟು ಮುಖಾಮುಖಿ: 03
ಕೆಕೆಆರ್‌: 00ಲಖನೌ: 03
ಸಂಭವನೀಯ ಆಟಗಾರರ ಪಟ್ಟಿ
ಕೆಕೆಆರ್‌: ಸಾಲ್ಟ್‌, ನರೈನ್‌, ರಘುವಂಶಿ, ವೆಂಕಿ ಅಯ್ಯರ್‌, ಶ್ರೇಯಸ್‌ (ನಾಯಕ), ರಮಣ್‌/ರಾಣಾ, ರಸೆಲ್‌, ರಿಂಕು, ಸ್ಟಾರ್ಕ್‌, ವೈಭವ್‌/ಹರ್ಷಿತ್‌, ವರುಣ್‌, ಸುಯಶ್‌.ಲಖನೌ: ಡಿ ಕಾಕ್‌, ರಾಹುಲ್‌ (ನಾಯಕ), ಪಡಿಕ್ಕಲ್‌/ಪ್ರೇರಕ್‌, ಸ್ಟೋಯ್ನಿಸ್‌, ಪೂರನ್‌, ಬದೋನಿ, ಕೃನಾಲ್‌, ಬಿಷ್ಣೋಯ್‌, ಅರ್ಷದ್‌, ನವೀನ್‌, ಯಶ್‌, ಎಂ.ಸಿದ್ಧಾರ್ಥ್‌
ಪಂದ್ಯ ಆರಂಭ: ಮಧ್ಯಾಹ್ನ 3.30ಕ್ಕೆ, ನೇರ ಪ್ರಸಾರ: ಸ್ಟಾರ್‌ ಸ್ಪೋರ್ಟ್ಸ್‌, ಜಿಯೋ ಸಿನಿಮಾ
)
)
)
)
)
)
)
)
)
)