ಲೋಕಾಯುಕ್ತಾ ಅಧಿಕಾರಿಗಳಿಗೆ 15 ದೂರು ಸಲ್ಲಿಕೆ

ಕನ್ನಡಪ್ರಭ ವಾರ್ತೆ ಹನೂರು

ಈ ವೇಳೆ ಹನೂರು ಪಪಂನಲ್ಲಿ ಸಾರ್ವಜನಿಕ ಸಮಸ್ಯೆಗಳಿಗೆ ಸ್ಪಂದಿಸದಿರುವ ಬಗ್ಗೆ ಸಂಬಂಧಿಸಿದಂತೆ 4 ದೂರು, ಕಂದಾಯ ಇಲಾಖೆಯಲ್ಲಿ ಆರ್‌ಟಿಸಿ ತಿದ್ದುಪಡಿ ತಹಸೀಲ್ದಾರ್ ಕಚೇರಿಯಲ್ಲಿ ಕಡತಗಳ ನೀಡಲು ವಿಳಂಬ ಧೋರಣೆ ಬಗ್ಗೆ ಮತ್ತು ಇನ್ನಿತರ ಸಮಸ್ಯೆಗಳ 8 ದೂರುಗಳು ಸಾರ್ವಜನಿಕರು ಸಲ್ಲಿಸಿದರು. ಚೆಸ್ಕಾಂ ಅಧಿಕಾರಿಗಳ ನಿರ್ಲಕ್ಷ್ಯ ತನ ವಿರುದ್ಧ 1ದೂರು ಹಾಗೂ ವಿವಿಧ ಗ್ರಾಪಂಗಳಲ್ಲಿ ಚರಂಡಿಗಳಲ್ಲಿ‌ ಅಸ್ವಚ್ಚತೆಯಿಂದ ಕೂಡಿದ್ದರೂ ಕೂಡ ಪಿಡಿಒಗಳು ಕ್ರಮ ಜರುಗಿಸಿಲ್ಲ ಎಂದು 2 ದೂರುಗಳು ಸೇರಿ ಒಟ್ಟಾರೆ 15 ಅರ್ಜಿಗಳನ್ನು ಸಾರ್ವಜನಿಕರಿಂದ ಲೋಕಾಯುಕ್ತ ಅಧಿಕಾರಿಗಳು ಸ್ವೀಕರಿಸಿದರು.

ಈ ವೇಳೆ ತಾಪಂ ಇಒ ಉಮೇಶ್ ಮಾತನಾಡಿ, ಹಲಗಾಪುರ ಗ್ರಾಮದಲ್ಲಿ ಕಲುಷಿತ ನೀರು‌ ಕುಡಿದು ಹಲವಾರು ಮಂದಿ ಆಸ್ಪತ್ರೆಗೆ ದಾಖಲಾಗಿ ಚಿಕಿತ್ಸೆ ಪಡೆದಿದ್ದಾರೆ ಎಂಬ ಘಟನೆ ಬೆನ್ನಲೆ ಗ್ರಾಮದ ಓವರೆಡ್ ಟ್ಯಾಂಕ್ ನ ‌ಮೇಲ್ಭಾಗದಲ್ಲಿ ಹಾನಿಯಾಗಿದ್ದ ಮುಚ್ಚಳವನ್ನು ದುರಸ್ಥಿ ಪಡಿಸಲಾಗಿದೆ ಹಾಗೂ ಹಲಗಾಪುರ ಸೇರಿದಂತೆ ತಾಲೂಕಿನ ಎಲ್ಲಾ ಗ್ರಾಮಗಳ ಓವರೆಡ್ ಟ್ಯಾಂಕ್ ಶುಚಿತ್ವಕ್ಕೆ ಒತ್ತು ನೀಡಲು ಅಗತ್ಯ ಕ್ರಮ ಜರುಗಿಸಲಾಗಿದೆ ಎಂದು ಲೋಕಾಯುಕ್ತರ ಅಧಿಕಾರಿಗಳ ಗಮನಕ್ಕೆ ತಂದರು. ಸಾರ್ವಜನಿಕರಿಂದ 15 ದೂರುಗಳು ಸ್ವೀಕರಿಸಿದರು.